بعض الأفكار لتجميل غرف الأطفال

الحوائط مثلا كلها بيضاء و الاثاث لون واحد ( جنه اثاث شايب عزوبي ) .. خلونه نعطي غرفة الطفل لمسه جذابه مميزة و مناسبه حق عمره

و من احلى الطرق طريقة الرسم على الحائط بواسطة الوان ( الستينسل )


و هي الوان متوفرة في اكثر المكتبات او المحلات المتخصصة في الألوان

و لحد يسكر الصفحة صبر نطروا .. لأن اكيد اكثركم بيقول انا ما اعرف ارسم و بالتالي ما راح ينفعني هالموضوع !! و انا اقولكم لا غلطانين .. المسألة مافي ابسط منها .. لأن مع الوان الاستينسل يكون في صفيحة شفافه مفرغة بأشكال جميلة و جاهزه مع العلبه مثل هذي الصوره







الحين عرفنه شنو الأشياء اللي نحتاجها ؟ و اللي ما عرف برجع اكتبها له

1- علبة الوان ستانسيل
2- مسطرة طويله لموازنة الصفيحة على الحائط حتى لا تميل اذا كانت الرسمه بخط مستقيم
3- لزاق شفاف للصق الصفيحه الشفافة على الحائط
4- فرش الوان ستانسيل بثلاث احجام للتلوين داخل الفراغات




5- اسفنجه لعمل التأثيرات بالرسم


6- صحن ورق لوضع الألوان فيه


--------------------------------

اما الخطوات سهلة جدا .. اول شي نثبت الصفيحة الشفافه على الجدار بواسطة اللزاق الشفاف
ثاني شي نحط الألوان اللي بنستعملها في الصحن الورقي مثل الصوره و بعدين نعبي الفرشه او الاسفنجه و نملأ الفراغات اللي بالصفيحة الشفافة ... و اليكم بعض الأفكار و الصور للتوضيح ..







الصوره اللي فوق هذي نقدر انقول انها تربوية و تجميلية بنفس الوقت يعني لو كانت على الحائط في غرفة الطفل اكيد راح يحفظ الأحرف بسهوله



و الصوره اللي فوق هذي مفيده بعد لقياس اطوال الأطفال و مراقبة نموهم و ممكن يقومون بهالعمليه هم بأنفسهم بإنهم يضعون خط على الطول اللي وصلوا له













و طبعا بإمكانك تطلعين رسمه على الحائط بهالشكل اللي تحت .. عاد انتي و شطارتج باستخدام اكثر من شكل بواسطة الصفائح الشفافه



طبعا تستطيعين انك تظعين مجسمات بارزه على الحائط بهالشكل



او هالشكل